انا قلت استنى شوية لما الدنيا تهدى كده و الناس تفوق علشان نتكلم في الموضوع ده
ايه اللي بيحصل في بلدنا
كل يوم بتتعرض البنات في بلدنا لمليون نوع اضطهاد
من اول هي ليه اصلا بتطلع من بيتها
السؤال ده انا اتسألته من واحد تعليقا على اللي حصل
"مش لو كانوا قعدوا في بيوتهم ماكانش ده حصل"
قلبنا الضحية لجاني
بدأنا باللي تلبس عريان هي اللي جابته لنفسها
مرورا على اللي مش محجبة هي اللي بتجيبه لنفسها
وصولا للي بتنزل من بيتها هي اللي بتجيبه برضه لنفسها
يااااااااااااااه
كل دول بنات ولاد ستين في سبعين نازلين الشارع علشان يجيبوه لنفسهم
انا عندي حل حلو
احنا اللي يشوف واحدة ماشية في الشارع يضربها بالنار و يخلص البلد من عارها
يا راجل....ما هي اللي جابته لنفسها
Subscribe to:
Post Comments (Atom)
1 comment:
ليه كان الانتباه للتحرش الجنسي في الشارع أكبر من اضطهاد المرأة في سوق العمل؟
هل لو حصلت التحرشات دي في وسط بلد "تاني" خارج العاصمة كانت حتاخد نفس الاهتمام ، وكانت وسائل الإعلام "حتعترف" بيها لما اتزنقت بسبب تصريحات فاروق بيه حسني بعد طول إنكار وتجاهل؟
مجرد أسئلة شريرة ، أسألها من باب إن السؤال ما حرمش..
Post a Comment