قامت الدنيا و ما قعدتش على جوزيه
الخواجة الاجنبي العميل اللي جاي من بلدهم علشان يشتمنا و يشاور لنا بطول دراعه
يعني لو كان بصباعه كانت هانت
لكن توصل لدراعه كلها
لازم نقطعهاله
يا اخي بلا و كسة
ده مش جهل و بس
لا و هطل كمان
انا هنا مش بدافع عن حركة اي عيل بيشوف مسلسل اجنبي و مش فاهمه و اخره يقرا الترجمة ان كان بيعرف يقرا كان عرف انها معناها القوة ضد الظلم الطاغي
و مش هسرد تاريخ مواقف مماثلة
بس هسأل الأخوة المحموقين قوي قوي قوي
فينكم من اللي بيحصل لاتنين لاعيبة مصريين ضاع مستقبلهم من تحت راس حكم قذر افترى طول 90 دقيقة و ما كفاهوش قرر انه لازم يربيهم علشان يتعلموا يتضربوا على قفاهم و هما ساكتين
هسأل المحموقين عن اتحاد واكل شارب نايم قايم في حضننا و هو اول من بيضربنا في ضهرنا و يرفع تقارير مضروبة للفيفا ضد لاعيبة غلابة و مظلومة
بيرفع تقاريره بالفاكس و احنا اللي بندفع تمن فاكساتهم من جيبنا يا ..............محموقين
Subscribe to:
Post Comments (Atom)
2 comments:
الصحافة الرياضية في مصر ضارة جداً بالصحة ، وهي تسبب ارتفاعاً حاداً في ضغط الدم والسكر والزيت وتخلي قارئها يجيب جاز..
المعايير الأخلاقية في الصحافة الرياضية عندنا غريبة الشكل ، بمعنى ، لما كان حسام حسن في الأهلي طلعت الجرايد فيه كل العبر ، وتحول لبطل الأبطال لما راح الزمالك ، وطالما الأخلاق (بالقاف ولا بالهمزة) بتظهر بضغطة زرار ، ما تستبعديش على الجرايد تنسى "صباع" هيما زالاطا وتعلق على "دراع" جوزيه.. أصل نظرهم ضعيف .. والعتب ع النظر!
في مصر نعشق تحميل المدرب كل البلاوي التي تحدث في عالم كرة القدم ، بما أن لدينا أحسن لاعبين في العالم ، وهذا من منطلق ثقافة "السخاع" التي احترفناها ، فنحن أقدم أناس في العالم ، وأطفالنا الأذكى في العالم ، ومياهنا الأنقى في العالم ، وعمالتنا الأفضل في العالم ، ومستشفياتنا الأكثر امتيازاً في العالم ، ولدينا وزراء وبيروقراط على أعلى مستوى .. الخ..
ونسي هؤلاء الدور الذي لعبه غير المصريين في بناء موروثنا الحضاري .. حكاماً ومحكومين.. نسوا ابن خلدون الأندلسي .. وابن الهيثم السوري .. وجورجي زيدان اللبناني .. وأسماء لا تحضرني في الوقت الحالي قبلهم وبعدهم..
أقول لهؤلاء الصحفجية الذين يوشكون على تحميل جوزيه وحده مسئولية هزيمة عرابي في التل الكبير.. اختشوا!
Post a Comment