مالك يا بلد
سؤال بقي على كل لسان
مع ان العيب مش في البلد
البلد هي البلد
لا زاد فيها دراع و لا نقص منها باع
العيب فينا
ايه اللي حصل لنا يا ولاد بلدي
كل ما ابص الاقينا شابطين في بعض
كل من اختلف كفر التاني
بقت موضة و ماشية في.........البني ادمين
بعد ما كنا كلنا مصريين
بقينا مسلمين و مسيحيين
و كله بيكفر بعضه
ناخدهم واحد واحد
المسلمين بقوا سنة وشيعة
السنة بقوا مليون حاجة في بعض
اللي يقولك سلفي و اللي يقولك وهابي و اللي يقولك اشاعرة و ماتريدية
و كله بيكفر بعضه
الشيعة كمان بقوا مليون حاجة
زيدية و جعفرية و علوية و اثنى عشرية
و كله بيكفر بعضه
حتى المسيحيين هما كمان
كل ملة بقت بتطعن في دين التانية
وكله بيكفر بعضه
الأغرب و الأعجب انه من دقنه و افتله
كلنا بنقطع في بعض
و اللي بره بيتفرجوا و اخر انبساط
ما احنا بنعملهم شغلهم و اجدع منهم كمان
امال...هو مش احنا احسن منهم برضه
يا عيني عليكي يا بلد
Subscribe to:
Post Comments (Atom)
2 comments:
الملفت عندما نتحدث عن تاريخ الانقسام المذهبي في الإسلام لا نجد أن الانقسام كان مذهبياً ، وإنما كان صراع مصالح لا أكثر ولا أقل ، لم يخفيه أن معظم الفرق الإسلامية ابتكرت لها فقه مستقل خاص بيها وعلى مزاجها..
ولا تعليق..
Post a Comment