طب بالذمة مش مسخرة أن مهندس نووي قد الدنيا يروح لحد سفارة أسرائيل و يقولهم خدوني
طب بالذمة مش حاجة تقرف لما مهندس شاب توصل بيه انهم و على جهاز كشف الكذب يقولهم بكره مصر و يطلع صادق
في ايه
هل هي أزمة انتماء و لا أزمة وطنية و أيه
العيب مش في أسرائيل و الله
العيب فينا و أحنا مصرين نتعامى و نتناسى و نحلف بميت يمين
نحلف بسماها و ترابها و نيلها و أرضها و عرضها و رقصنا يا جدع
و بعد الزفة كله يفك و اللي ليه شوق في حاجة يلحقها
امبارح في القاهرة اليوم قبل ما النيلبة تعلن القضية بيسألوا أم المهندس هو كان بيصلي في الجامع!!!!!
الست كانت بتنكر كأنها تهمة مشينة
أنا اللي مش فاهماه برضه
لما مهندس في هيئة الطاقة المووية يعمل كده و حجته أن البلد مش مقدراه (على أيه داهية تخيب الخايب)..... المهم
لما واحد زيه يعمل كده
خريج التجارة اللي بقاله 5 سنين و يمكن 10 مش لاقي شغل يعمل أيه
خريجي المعاهد المتوسطة و فوق المتوسطة يعملوا
اللي خاطب بقاله 3 أو 4 سنين و مش لاقي تمن الشبكة ما بالك بالشقة و العفش يعمل أيه
قبل القضية كان فيه قضية العطار و برضه السيناريو واحد
واحد رايحلهم و بيقلهم و النبي لتشغلوني جاسوس
مش بقولكم
داهية تخيب الخايب
و يجعله جاسوسية
Subscribe to:
Post Comments (Atom)
2 comments:
عندك حق ، وإن كان من الصعب علي شخصياً تصديق قصة أن شخصاً يذهب إلى سفارة بلد ما ليقول لهم "عمو عمو عمو.. عايث ألعب معاكم.. عمو عمو عمو.. عايث أبقى جاثوث"!
تصدق أنهم بيعملوا كده فعلا
يا راجل ده وصلت أنه باهنا بييجي كده 20,000 دولار
يعني يادوبك تمن كورولا 1300cc
تخيل أنت بقى لما تمن البلد كلها على بعضها ييجي تمن كورولا يبقى تمن الواحد فينا فينا أيه
صباب ولا سبويلر
Post a Comment