النهارده اول يوم اتجنن فيه و ابدأ بلوج
مش عارفة اعمله عربي و لا اعمله انجليزي
النهارده اول يوم اتجنن فيه و اقول اللي في نفسي
مش عارفة افتح على الرابع و لا الم الدور
النهارده اول يوم اتجنن فيه و اخرج من الشرنقة
انا بنت مصرية
عندية و قوية
قلبي اخف من نسمة الصيف و اقوى من اي نوة
انا بنت مصرية و كل اللي حوليا بيشدني لورا ميت سنة
لكن انا نويت و قررت
يا اكون انا زي ما انا يا بلاش مني انا
من هنا و من النهارده هبدأ
احاول اقول يومي و اللي بيحصل حوليا
هحاول اقول رأيي في زمنرأي البنت فيه عيبة
هحاول اكون .....انا
1 comment:
رأيي الشخصاوي طحن :
أفضل إن البلوج يكون بالعربي لسهولة القراءة .. لإن الإنجليزي خصوصاً في الريسولوشنات العالية بيبقى حجم كتابته صغير وبيبقى أي واحد نظره ضعيف زي حالاتي بياخد وقت على ما يقراه ويترجمه .. ويبقى الموضوع أكثر صعوبة لما الكتابة تبقى فرانكو أراب عربي بحروف إنجليزية ..
زائد إنك أكيد حتعبري بشكل أسهل وأكثر سلاسة بالعربي عنه بالإنجليزي..
مبروك على المدونة الجديدة ..وفي انتظار خواطرك وصرخاتك أيضاً..
Post a Comment